📜 आपल्या संस्थेचा सुवर्ण प्रवास:

२4 नोव्हेंबर १९८८ - हा दिवस आपल्या सर्वांच्या आठवणीत सुवर्णाक्षरांनी कोरलेला आहे. सहकार मंत्री मा. नामदार छत्रपती अभयसिंहराजे भोसले साहेब यांच्या आशिर्वादाने, मा. श्री. प्रभाकरजी शिंदे यांच्या सहकार्याने, आणि संस्थेच्या संस्थापकांच्या अथक परिश्रमांनी पुष्पांजली को-ऑप क्रेडीट सोसायटी लि. ची स्थापना झाली.

तेव्हा आपल्याकडे स्वतःची जागा नव्हती, कार्यालय नव्हतं… पण हृदयात होती एक प्रखर जिद्द! श्री. ज्ञानेश्वर पुंडे यांच्या छोट्याशा दुकानातून, केवळ रु. ५१,३००/- भागभांडवल आणि ५१३ सभासदांसह आपण हा प्रवास सुरू केला. तेव्हा आपल्या सोबत होते:
कै. मुरलीधर गोपीनाथ तापकीर
कै. महादेव भाऊराव शेळके
कै. बाजीराव रामभाऊ वायाळ
कै. कारभारी नामदेव राउत
कै. धोंडिभाऊ बाबुराव आवटे
कै. चंद्रकांत भाऊसाहेब भगत
कै. नारायण शिवराम भोईटे
श्री. विठ्ठल दामोदर सुकाळे
श्री. ज्ञानेश्वर जनार्धन दुराफे
आणि हिशोब व प्रशासनाची जबाबदारी सांभाळणारे श्री. सुरेश काशिद
या सर्वांच्या निष्ठेने, श्रमाने आणि एकतेने, एका १०×१० दुकानातून सुरू झालेला कारभार आज अत्याधुनिक सुविधांनी सुसज्ज ८ शाखा आणि मुख्यालयापर्यंत पोहोचला आहे.

⚖️ संस्थेतील बदलते राजकारण:

संस्था स्थापन करताना, जेष्ठतेचा मान राखत मी कै. नारायण शिवराम भोईटे यांना अध्यक्षपद भूषवण्याचा मान दिला. त्यांनी तब्बल २५ वर्षे हे पद भूषवले.

२०१५ मध्ये, त्यांच्या मुलाने—विद्यमान अध्यक्ष श्री. निखिल नारायण भोईटे - अध्यक्षपदाची इच्छा व्यक्त केली. तेव्हा आम्ही ती पूर्ण होऊ दिली नाही. २०२० मध्ये मात्र, त्यांनी "अध्यक्ष नको पण संचालक मंडळात घ्या" अशी विनंती केली. मी मनाचा मोठेपणा दाखवत त्यांना संचालक मंडळात घेतले.

परंतु, नंतर काही अतृप्त संचालकांना सोबत घेऊन त्यांनी अचानक अध्यक्षपदाची निवडणूक लढवली आणि विजय मिळवला. यावेळी काही संचालकांनी जाणीवपूर्वक सभेत गैरहजेरी लावून त्यांना मदत केली.

😔 त्यानंतरचे वास्तव:

अध्यक्ष झाल्यानंतर, त्यांनी…
संस्थेच्या कैलासवासी संस्थापकांचा अपमान केला,
त्यांच्या विचाराशी जुळत नसलेल्या संचालकांना दूर सारले,
संस्थेतील जेष्ठ सेवकांचा वारंवार अवमान केला,
सेवानिवृत्त झालेल्यांचाही सन्मान राखला नाही.
ही केवळ वैयक्तिक टीका नाही… हा आपल्या संस्थेच्या मूळ विचारधारेवर झालेला घाला आहे.

🌱 आमचा संकल्प:

आज या सर्व असंतोषातूनच संत ज्ञानेश्वर माऊली पुष्पांजली संस्थापक पॅनल उभे राहिले आहे. माझ्यासोबत आहेत - श्री. ज्ञानेश्वर दुराफे आणि संस्थेच्या जडणघडणीत योगदान देणारे खरे सहकारी. आमचा उद्देश स्पष्ट आहे
संस्थेच्या प्रगतीला पुन्हा गती देणे
सभासद आणि कर्मचाऱ्यांचे हित जोपासणे
परस्पर स्नेह, सन्मान आणि सहकाराचा धागा पुन्हा घट्ट बांधणे

💪 गेल्या ३५ वर्षांचे योगदान:

गेल्या तीन दशकांहून अधिक काळ, आपल्या कर्मचाऱ्यांनी आणि संचालक मंडळाने एकत्र येऊन ही संस्था घडवली. कोरोना काळात आपण कठीण प्रसंगांना सामोरे गेलो. कर्मचाऱ्यांनी त्याग केला, पगार कपात सहन केली, तरी संस्थेची गाडी रुळावर ठेवली. परंतु, हेही सत्य आहे की सभासदांना व्याज माफी न देता, केवळ कर्मचाऱ्यांची पगारकपात करण्यात आली. हा निर्णय अन्यायकारक होता.

🕊️ निवडणूक आणि आपली जबाबदारी:

आपल्या संस्थेत आतापर्यंत कधीच मोठ्या संघर्षाची निवडणूक झाली नव्हती. प्रत्येकवेळी चर्चा, सामंजस्याने मार्ग काढून निवडणूक बिनविरोध झाली. पण यावेळी काही स्वार्थी प्रवृत्ती, काही विकृत विचार, आणि महत्त्वाकांक्षांच्या खेळामुळे निवडणूक अपरिहार्य झाली आहे. ही केवळ आमच्यासाठी नाही… ही लढाई आहे प्रत्येक सभासदाच्या स्वाभिमानाची आणि आपल्या संस्थेच्या अस्तित्वाची.

📢 आमचे वचन: आपण आम्हाला संधी दिल्यास

संस्थेच्या आर्थिक गतीला नवसंजीवनी देऊ.
कर्मचाऱ्यांचा आणि सभासदांचा सन्मान कायम राखू.
सर्व निर्णय पारदर्शक आणि सर्वांच्या हिताचे असतील.
ठेवीदार आणि कर्जदारांचा विश्वास जपण्यासाठी नवकल्पनांचा अवलंब करू.
कोणाचाही अपमान होणार नाही, भेदभाव होणार नाही.

🚀 पुढील वाटचाल:

आपण रुबी महोत्सवाकडे (४० वर्षांच्या प्रवासाकडे) वाटचाल करत आहोत. या प्रवासात सहकाराच्या तत्त्वाशी प्रामाणिक राहून, संस्थेची प्रगती सातत्याने वाढवत, प्रत्येक सभासदाला "ही संस्था माझी आहे" असा अभिमान वाटेल अशी कार्यपद्धती आणू.

तुमचा मतदार यादी क्रमांक आणि मतदान केंद्र तपासण्यासाठी. e-voter slip ला क्लिक करा

e-voter slip     संत ज्ञानेश्वर माऊली पुष्पांजली संस्थापक पॅनल माहितीपत्रक